Talenti i njohur nga Kosova në lojën e CS2, Drin Shaqiri i njohur si “makazze” ka bërë një hap të madh në karrierën e tij.

Ai sot është promovuar në ekipin e parë të një prej organizatave më të forta në botë Natus Vincere, shkruan Arbresh.info.

Shaqiri ka qenë pjesë e NAVI Junior ku sukseset nuk i kanë munguar, dhe falë lojës së tij të jashtëzakonshme ai tashmë është ftuar dhe do të jetë pjesë e skuadrës së parë, të gjigantëve ukrainas.

Lajmi është bërë i ditur nga vetë organizata ukrainase përmes një postimi në mediat sociale.

Padyshim kjo është një prej arritjeve më të mëdha të shqiptarëve në skenën e CS2. Shaqiri po ashtu bëhet shqiptari i parë i cili arrin në skuadrën e parë të NAVI-t.

Kujtojmë se tek ekipa e NAVI Junior është edhe një tjetër shqiptar, Aulon “Krabeni” Fazlija.

NAVI është dy herë fituese e Majorit, si dhe tash e disa vite merrë pjesë në turnire të mëdha në botën e CS2, ku triumfet janë të mëdha.

Në këtë skuadër ka luajtur edhe një prej lojtarëve më të mirë në histori të kësaj loje “S1mple”.

Shaqiri është vetëm 18-vjeçar dhe shihet si një prej lojtarëve më premtues shqiptar në CS2./Arbresh.info

Regarding the future of NAVI’s CS2 Junior roster pic.twitter.com/TU0g2ztleW

— NAVI (@natusvincere) June 30, 2025